來自新加坡、成名於八十年代的女歌手谷行云，最近以奇招參戰百花齊放的Hi-Fi碟市場，斥資近七位數遠赴古巴製作新碟，她坦言投資巨大，根本沒打算回本，只求讓聽眾多一個選擇。

谷行云的Hi-Fi新碟遠赴古巴錄製，十分新穎。

谷行云今次投資達七位數，為音樂唔怕蝕本！

早於八十年代初，當時年僅十六歲的谷行云已經推出首張個人大碟，踏入樂壇數十載的她演出經驗豐富，近年轉戰高質靚聲的Hi-Fi碟市場，更決心以創新方式製作新碟《Gigi in Cuba》，她說：「我十四歲已經簽約唱片公司出民歌，但當時市場好唔同，經過咁多年依家轉玩靚聲碟，但希望做多啲高水準產品，因為向來靚聲碟節奏係較慢，我想做啲唔同類型，例如將東西方嘅音樂做交流，所以今次係一個好值得嘗試嘅挑戰。」

雞同鴨講最頭痕

顧名思義，新碟在古巴製作，她解釋：「我一直都好想去古巴，而且當地傳統音樂節奏明快，又開心，最重要係市場上仲未有類似嘅產品，我查過我係第一個華人去當地做唱片，所以應該幾得意。」整張唱片都跟古巴樂手合作，回想當中過程，她笑言困難重重：「不論溝通上同音樂風格上都有問題，成個過程好多困難，佢哋講西班牙語，雖然有翻譯，但都唔能夠百分百講到我嘅意思出嚟，而且大家接觸嘅音樂範疇唔同，所以就留咗成個月去做，但係過程好開心，可以講成個旅程係我人生最難忘。」

追夢！銷量唔重要

除了剛完成早前音響展的演出外，接下來谷行云期望舉行個人演唱會，近年不停穿梭香港、內地和新加坡的她表示，會先做好香港的宣傳工作，再到內地宣傳。談到對這張唱片的期望，她說：「今次投資咗好多，使咗接近七位數字，所以都冇可能對銷量有啲咩期望，只希望做自己想做嘅事。」場地：香港觀塘帝盛酒店

文：曹家誠　

攝：劉智源