李玟出席關注乳癌活動，她透露奶奶當年在老爺照顧下成功抗癌，不過老爺去年因癌症過身，所以一有時間便會陪伴奶奶。她又表示家中近日增添一名新成員，原來是新養的狗狗！

李玟以大使身份出席活動時表示，會抽空陪奶奶。

李玟（左）與一眾嘉賓為活動剪綵，非常熱鬧。

李玟（CoCo）昨日以粉紅大使身份出席《2015癌症基金會粉紅革命啟動禮》，呼籲大眾對乳癌的關注。第四年擔任大使的她透露受奶奶影響而積極參與關注乳癌的活動，因奶奶在15年前曾患上乳癌：「佢依家已經好番，佢有同我分享抗癌嘅經過，又講吓老爺點照顧佢，同埋當時佢住喺外國，但嗰度冇呢啲機構幫佢。」

新碟翻唱經典歌

她又表示有很多二十至三十歲的歌迷，希望運用她的影響力呼籲大家注意健康。問到奶奶的近況，CoCo說：「老爺上年因為癌症過咗身，所以奶奶都會嚟多啲香港，今次會逗留兩個月，雖然好多工作，但我都會抽時間陪吓佢！」

畀「阿B」激親

已有兩年沒有出碟的她坦言已在籌備中，新碟不但會翻唱舊歌，更會邀請兩位家姐一起合唱：「佢哋都好唱得，我會搵佢哋做Featuring！」此外，CoCo透露家裏增添一名新成員：「啱啱養咗隻九個月大的金毛尋回犬，我今朝一起身見到佢將我件大會T-shirt咬爛，即刻叫同事搵多件畀我，如果唔係我就冇衫着！」

文：音樂組