有讀者向本報爆料，早前發現胰臟有兩個良性腫瘤的黎瑞恩本周一（14日）在沙田City Super突然昏迷並抽搐倒地送院，前日已秘密出院。據讀者形容，阿恩當日倒地後全身抽搐，口吐白沫，有位女士上前為她進行急救，但無論大家怎樣拍打，她都全無反應，狀甚恐怖！

黎瑞恩日前抽搐暈低，後送院治理。

阿恩昨日在電話中說：「係呀！我都唔知發生咩事，毫無徵兆，我嗰日食完飯去超巿買嘢，突然覺得好多影、眼矇矇，跟住就眼前一黑，之後就咩都唔知。」她又透露入院時血壓極低，脷亦咬到腫：「喺醫院照晒腦掃描，但咩事都冇，好奇怪。」她又特別感謝該女士仗義相救：「我血壓一向偏低，唔知食咗啲咩，我未試過咁樣，都唔知可以點。（關胰臟腫瘤事？）之前先檢查過，胰臟腫瘤嘅癌指數跌到近乎正常。」