無綫近年與四大唱片公司逐漸破冰，前晚設宴六圍，宴請全港各大小唱片公司高層，傾談來年合作新計劃，傳與無綫不咬弦的「四大」之一環球要員亦有列席，而英皇、Sony、華納、太陽及星夢等共逾70人均有出席，氣氛融洽！據知無綫計劃明年多辦音樂節目，有見近期播放由鄭少秋及汪明荃主持的《Sunday靚聲王》大受歡迎，因此構思集齊年輕歌手演出的《J2靚聲王》！對於無綫商討合作計劃，兩位環球歌手陳慧琳（Kelly）及吳雨霏（Kary）均表示歡迎，Kelly說：「多個平台唱新歌畀Fans聽當然好。」Kary則說：「多個地方宣傳新歌梗係好事，但暫時未收到通知會參與咩音樂節目，如果落實，當然係開心事。」

Kelly或有機會再上TVB唱歌！

此外，據知無綫暫定於12月20日舉行勁歌金曲頒獎典禮，比新城電台更早，無綫綜藝科總監余詠珊承認此事，並表示為加強公信力，將由全民投票及港大民調選出各大獎項！