楊千女華前晚出席活動時，自爆兒子Torres「恨」上舞台表演，千女華坦言雖不欲囝囝做童星，但不會阻止兒子入娛樂圈。她又笑言天生一副惡相，令部分家長不跟她打招呼。

千嬅表示有跟其他家長交流學做人妻。 王麗嘉行騷晒型格，果然有模特兒媽咪的遺傳。

王麗嘉行騷晒型格，果然有模特兒媽咪的遺傳。

楊千嬅前晚以一身型格打扮出席I.T時裝騷，笑言工作時是楊小姐，靚最重要，湊仔時則是丁太，快最重要，故打扮隨意；至於跑步就要型，因為老公丁子高跑得快，跟對方跑步變跟班。她又表示星期六到澳門舉行個唱，全家都會捧場。

唔同囝囝合唱

問到Torres（丁進諾）會否上台獻唱？千嬅大爆囝囝恨上台：「佢聽到音樂會認得我啲歌，不過淨係唱到三個字。（同佢一齊唱？）唔喇！係嘅話就等佢出嚟做新人，黐住阿媽咪麻煩，人哋唔知用咩眼光望佢。」

至於將來是否支持囝囝入行？千嬅表示不會阻止，但不打算讓囝囝當童星：「平時全家出街，佢就已經拋頭露面啦！（廣告商請你哋一家三口拍廣告﹖）暫時冇，可能我個樣好捍衞性，啲人覺得我煩同有攻擊性。（知難而退？）唔知，不過有啲合作過嘅，之後都會再搵番我。」

千嬅又笑言天生一副惡相，加上是藝人，令部分家長不跟她打招呼：「都有同其他家長交流，學點做人妻。（你係笑容大使﹖）唔係，我都係人嚟，如果24小時都笑就要睇醫生。我都會黑面，黑面係因為眼瞓同攰。」

王麗嘉行騷

此外，同場的馬詩慧細女王麗嘉有份擔任模特兒行騷，馬詩慧即時把照片放上社交網站開心Share。

文：名人組