《容祖兒李克勤演唱會2015》前晚第四場險生意外，克勤差點重演林子祥當年紅館「墮窿事件」，幸千鈞一髮之際移開腳步才避過一劫，但已嚇得「心裏爆粗」！當時克勤在台上演唱《痛愛》，唱至尾段他左腳踭踏着的升降台位竟突然下降，他感到踏空即時移開腳步，全場觀眾都替他抹一額汗大叫：「克勤小心呀！」幸好沒有出意外。事後克勤向祖兒講述事發一刻時，指手畫腳形容：「唱《痛愛》時一隻腳差咗落個窿度！」祖兒抵死斜挨着他說：「即係半個人咁傾斜呀！」克勤不禁拍拍心口說：「心卜卜卜，心裏面有講粗口，我承認。」

克勤唱唱吓歌，腳踭踏着的升降台位突然下降，有驚無險。

克勤指手畫腳講述事發經過：「一隻腳差咗落個窿度！」

祖兒聽罷即斜挨着克勤說：「即係半個人咁傾斜呀！」

祖兒在演唱會上繼續以靚歌會歌迷。

祖兒稱每次開騷前都會拜神，但克勤卻沒有，克勤亦尷尬點頭，並作合十手勢以示平安。而克勤稱導演應提醒他升降台要打開，可能控制台太多美女令導演分心沒提他。提到公司可有幫他買過億保險？他笑說：「咁又唔知喎，多多少少都有嘅，啋啋啋！唔會用嘅，放心！」