吳綺莉望卓林嫁個好男人

吳綺莉昨日主持電台節目，對於女兒吳卓林受訪時透露，當年在上海讀書時遭同學圍毆，吳綺莉坦言未有睇報道，但承認曾有此事發生：「曾經係有啲小朋友嘅嘢，唔係太大鑊，同學之間係有啲問題。（同對方家長投訴？）同對方家長溝通過。」對於卓林被形容為Tomboy，吳綺莉說：「我嘅打扮都唔似女仔。（抗拒個女鍾意女仔？）我希望佢好好哋識個男友結婚，等我做婆婆湊孫，不過呢啲控制唔到，隨遇而安。」而接受吳綺莉訪問的林曉峰，承認有內地真人騷邀其一家四口參加，但由於拍攝時間太長而婉拒。