歌手許志安前晚參與音樂會，除了單獨演出外，亦有跟劉浩龍合唱。日前到紐約舉行巡唱的安仔受訪時表示剛剛落機：「開頭都驚趕唔切返嚟，好彩趕到，仲早咗，頭先去咗跑步，因為趁自己冇時差，同埋唔想個樣咁累！之前在美國開騷前就有時差，本身諗住做Gym提神，點知兩個字之後就瞓着咗，好搞笑！」他表示美國之行行程緊密，沒空到處閒逛。另外，他透露12月會移師澳門舉行巡唱，屆時演出的歌衫及歌單會有變化，他有意邀請女嘉賓合唱：「因為我都有好多合唱歌。（搵未合作過的人？）呢行我都好少未合作過。」

許志安（左）與劉浩龍合唱，默契十足。