林文龍首次投資電影，太太郭可盈帶同5歲女兒津津撐場，津津面對鏡頭毫不怯場，並且親吻爸爸。不過，文龍不急於讓囡囡入娛圈，並笑說：「起碼等佢讀完書先！」

林文龍帶齊一家大細出席首映禮，強調以「平常心」等拎獎。

主角之一的林熹瞳以性感晚裝亮相！

譚耀文（中）揮手動作搞笑，可惜湯怡（右）睇唔到。

林文龍投資的電影《我們停戰吧！》前晚舉行首映禮，除林熹瞳、湯怡和譚耀文等演員外，太太郭可盈亦帶同女兒津津前來支持丈夫，只見津津面對鏡頭毫不怯場，更親吻爸爸。問到會否讓她參與演出時，林文龍說：「依家唔啦，起碼等佢讀完書先。（依家多星二代出道喎？）人哋啲星二代大個好多啦！」

願為老公復出

郭可盈則大讚囡囡吸收力強，看過爸爸的演出後更可一字不漏地重演，至於囡囡有否說過想拍戲？她說：「冇話想拍。（有天分？）佢係好有天分！」被問到會否為老公復出時，她說：「希望遇到好嘅劇本！」有關票房的高低及在香港奪獎的信心，文龍則說：「票房就冇人知啦，但拎咗咁多獎好開心，而且十場優先場反應都好。（頒獎禮中奪獎？）平常心啦！有提名已經好開心！」而片中主角之一的譚耀文，被問到中秋是否需要工作時，他說：「要。（小朋友詐型?）詐咗啦，買多幾個燈籠，早啲陪佢哋賞月同燒嘢食囉！」

文：影視組