Lisa S.母女檔清潔海灘

名模Lisa S.、貝安琪（Ankie）及陳瑞瑩（Helena）昨晚出席《第15屆「清潔香港」大行動》酒會，問Lisa會否帶囡囡Raven參與清潔海灘？她說：「一定會，不過佢仲細，尋日帶佢去淺水灣，有好多人要同Daniel（老公吳彥祖）影相，Raven就問『點解冇人影我？』（認得爸爸係明星？）佢知爸爸會在電視出現，有時見到亞洲人面孔的海報，會指住嗌爸爸！」談到兩歲多的Raven將入讀幼稚園，問到有否進行面試訓練？她說：「未，不過相信問題唔大，佢性格同我好似，外向又健談。」但指香港生活競爭大，暫未決定囡囡留港或到美國升學。