性感女星仙樂都、前女星林雅詩及組合HunterZ成員鄧詠雪等昨日出席慈善獎券義賣活動,仙樂都表示一向有做善事,至今助養了四名小朋友:「有三個喺內地,一個喺泰國,因為我係中泰混血兒。」她又提到只助養女童的原因:「以前有個朋友去內地召妓,佢話個女仔除衫露出好殘舊嘅阿婆內衣,搞到佢於心不忍,叫咗對方走。我覺得男仔仲可以出賣勞力,但女仔為一口飯就要出賣肉體,所以我淨係助養女仔。」

仙樂都(左起)與鄧詠雪和林雅詩齊齊為慈善出一分力。

另外,38歲的林雅詩表示將自資六位數推出寫真集,預計下月推出,但老公仍未知情。