青春偶像組合Super Girls（SG）、陳嘉寶（Anjaylia）和蔡穎恩（Evelyn）昨日出席中秋節活動，SG成員Cheronna戴上黑超、右眼貼上紗布，她透露因長期佩戴隱形眼鏡致眼角膜受損，幸而變「獨眼龍」期間有其他成員照顧。問到可會影響工作？Cheronna說：「擔心兩星期後睇嘢矇，又考慮好番後戴矯視好，定係做激光好，依家都靠姊妹做我嘅眼睛！」

Cheronna（左二）眼角膜受損變獨眼龍，幸而有Super Girls好姊妹在旁照顧。

Evelyn（右）與Anjaylia情同姊妹，有份幫老友篩選男友！

Anjaylia則自爆最近舉家到日本旅行，男友更化身導遊：「我唔識日文，屋企人信我唔過，所以就拉埋男友，佢識少少日文。（屋企人接受佢？）佢哋尊重我嘅選擇，同埋都鍾意佢嘅，好放心我識朋友。」而Evelyn亦透露會為好姊妹「過濾」男友，更曾替Anjaylia嚇走兩個男生！