林盛斌（Bob）前晚以投資者身份到九龍灣出席Talk Show，提到導演葉念琛有意開拍《毒L神探》並捧他做男主角，Bob笑說：「佢有提過，好感恩有好多人讚我喺《沒女神探》嘅表現，仲攞我同王菀之嘅《金雞SSS》相比！有圈中朋友叫我做定西裝，暗示我有電影獎項提名！」

Bob在《沒》片的演出備受讚賞，有人更提議他預訂西裝等捧獎！

同場的梁烈唯被追問有關在互聯網僅2天便錄得逾2萬個負評時，他無奈地表示「冇回應、唔識講」，其後補充：「好多朋友關心我，但我冇嘢，落街仲有好多市民叫我加油。」至於鮑起靜則現身支持外甥女開Show，並與姊姊合照。