身在台灣趕拍電影《泡沫之夏》的羅仲謙，昨日專程返港半天出席抗癌活動講座，即晚便飛返台灣繼續開工。他透露已有7個月沒回港，記者即追問：「有冇掛住人先？」他笑說：「係咪應該同我講生日快樂先？生日嗰時有短訊囉！（楊怡中秋節會飛去台灣陪你？）我同工作人員過節，每人都有屋企，等我返嚟先啦！」

出席講座的謙謙提到向楊怡求婚就「會心微笑」，明顯有晒計劃啦！

提到聽到抗癌戰士的經歷時眼濕濕，謙謙說：「我畀佢哋啲經歷感動咗，人大就要學識感恩擁有嘅一切。（人大咗計劃結婚？）一步一步嚟，我唔會限住幾時嘅。（都有結婚對象啦！）你哋（記者）寫我會心微笑囉！（求咗婚？）都話會心微笑，點解唔如實報道啫？」