前港姐冠軍張嘉兒日前在巴黎拍攝婚紗照，與另一半Nate於溫哥華時間本月12日拉埋天窗。嘉兒本有大班姊妹如曹敏莉及朱凱婷等送嫁，但最後只有戚黛黛前往當地赴宴，缺席的曹敏莉接受電話訪問時稱早已預料難以抽身：「一直未知去唔去到，因為仔女開學，特別係細仔返學未穩定。（送新婚禮物？）一對水晶雀仔擺設，寓意一雙一對，希望佢哋幸福同嘉兒早啲生BB！」

張嘉兒與男友拉埋天窗，有情人終成眷屬！

至於因公事缺席婚宴的朱凱婷接受電話訪問時透露會向嘉兒送上珍珠耳環作新婚禮物：「有Job喺身，就算去都係到一到就走。（嘉兒覺得失望？）佢叫我畀心機做嘢，等佢返嚟香港再約食飯。（佢結婚後即刻度蜜月？）有機會，佢話玩埋先！（會送咩新婚禮物？）之前單身派對送咗耳環畀佢，雖然我身在香港，但嗰邊朋友都有傳相直擊佢嘅婚禮。」