祖藍揚言買島冧亞男

王祖藍與譚炳文前晚錄影無綫節目《Sunday靚聲王》，祖藍繼日前揚言送樓給太太李亞男後，又笑言要買小島冧老婆：「依家最重要嘅係老婆，最緊要佢開心。（所以億元豪宅只落李亞男名？）冇乜所謂啦！斷估佢信得過，佢唔單只入得廚房，仲行得紅地氈，買個島畀佢都願。（咁捨得？）依家每朝起身就有飯攞返工食，啲衫又執好晒，夫復何求呢？」同場的譚炳文表示過去一年未見過好友李香琴，又因對方患腦退化症而不安。