「新一代男神」王宗堯（Greg）於鏡頭前Chok到爆，一雙電眼冧死不少OL姐姐及學生妹，私下原來毫無靚仔包袱，不時大擺騎呢甫士和表情，最經典是矇豬眼扮「Oppa」，認真趣怪！阿Greg自爆讀大學時，曾扮醜參與影貼紙相比賽，技術性擊倒一眾參賽者，成功攞第一贏得金幣：「平時都會做騎呢樣，拍戲前成日做啲好醜怪嘅表情，放鬆吓面部肌肉，令個人心情放鬆啲，就容易啲投入拍攝。」男神Greg認為毋須時刻Keep住靚樣，現在也可放任地做「騎呢樣」，平日的搞笑相更獲粉絲派Like：「始終人應該有好多面，如果淨係得靚仔咪好悶？我啲騎呢相都幾受粉絲歡迎，好多留言都好好笑。」

男神王宗堯完美變身，係矇豬Oppa呀！

靚仔就係任性，玩到面容扭曲都仲咁Charm！