連詩雅昨日出席手錶設計比賽時，透露讀書時曾設計首飾及腕錶，她說：「我想設計一隻集全世界特色嘅錶。（每個地方搵個男朋友咪得囉？）好難喎！其實有時去旅行唔係為咗玩，而係去見識吓，如果我做呢隻錶，就可以攞正牌去旅行，我會叫佢做『地球系列』。」她又提到小時候在國際學校讀書時經常接觸外國人，亦曾暗戀他們，但卻從未表白，她笑說：「暗戀過兩個外國人，一次係五歲，一次係十六歲，兩個都好靚仔，好吸引！（生混血B？）細個真係有諗過為生BB而同外籍人士結婚，但大個梗係知道最緊要係符合自然。」問到她現時跟百億闊少男友「啱唔啱」時，她大方地說：「都OK。（有冇結婚打算？）冇咁快。」

連詩雅自爆曾暗戀外國型男，唔知男友聽到會唔會呷醋呢！