音樂人雷頌德（Mark）昨日出席「萬希泉x雷頌德Bourbon陀飛輪」發布會，他去年曾與品牌合作推出首款限量200枚的腕錶，反應不俗，所以今年再接再厲，推出第二枚酒桶形腕錶。Mark自言是「錶癡」，對鐘錶素來充滿興趣，問到有多少收藏？他笑說：「嘩！收藏咗幾十年，如果計埋膠錶都數以百隻，不過依家就唔使再買喇！（有冇送錶畀太太？）有！錶可以保值，覺得係一份幾有心意嘅禮物。」

雷頌德（左）愛收藏鐘錶，與品牌再合作出腕錶。

此外，提到為陳慧琳（Kelly）擔任演唱會音樂總監，現時進展如何？他說：「已經開始綵排，佢不嬲係一個準備充足嘅人。（狀態如何？）好好！佢一向都咁Fit，依家練歌排舞，佢話要趁囝囝開學有時間。」他又自言酒量淺，故不會邊飲酒邊作曲，但隨着年紀漸長亦慢慢學會品嘗美酒。