黃又南、鄭欣宜及蔡瀚億等昨日宣傳新片《燈塔下的戀人》，片中又南獲欣宜主動示愛，二人的「人工呼吸」戲更成亮點，原來這是欣宜繼與古天樂後，再次於大銀幕上獻吻，又南聞言即大讚欣宜「好咀」。問到現實生活中有否試過女生主動示愛，又南靦腆說：「中學有個好朋友嘅女同學，突然寫情信畀我，我同佢講讀書緊要啲，起初再見都尷尬，後嚟做番朋友。」至於早前欣宜的「美人魚造型」惹網民負評，她淡然說：「冇睇過，不過唔介意。嗰日浸喺水入面近兩小時，成個人腫到好似浮屍咁。」

又南與欣宜昨日齊齊出席新片宣傳。

欣宜出席快閃活動時，自爆初戀男友是雙性戀者。

另外，昨午欣宜在銅鑼灣街頭進行為同志平權快閃活動時，自爆初戀男友亦是同志：「一開始佢有同我講佢係雙性戀，咁細個覺得冇嘢，都係一樣咁玩。」她指與對方分屬好友，問會否帶男友給對方過目？她笑指對方每個都可以接受。