本月9日生日的胡定欣，大爆男友送神秘女性用品慶祝生日，惟未敢想像男友送她鑽戒的一刻；而同場的劉佩玥則自爆與定欣同日生。文：影視組

劉佩玥（左）自爆與胡定欣同月同日生，認真有緣。

劇組人員特意送上蛋糕，為胡定欣、伍允龍及Moon慶祝生日。

伍允龍以「好朋友」來稱呼Aka。

陳展鵬最近三劇在手，忙到氣咳。

胡定欣、伍允龍、陳展鵬及劉佩玥（Moon）等前晚在將軍澳電視城民初街拍攝無綫新劇《城寨英雄》，劇組人員特意送上蛋糕，為同是九月出生的定欣、伍允龍及Moon慶祝生日。

允龍稱Aka好朋友

定欣在訪問時稱今年慶生次數特別多，早於一個月前已偕粉絲、朋友與同事慶祝，問男友送她甚麼生日禮物，她即故作神秘說：「送咗啲好適合女性、女仔用嘅嘢。（內衣？）唔係，總之係女仔用品啦！扮靚嘅嘢！」

不過，定欣表示未有想像男友送鑽戒的一刻，坦言不想為男友添加壓力，又指要兌現曾說要比胡杏兒遲結婚的承諾：「佢唔結我又唔結得，最好佢快啲結啦！唔計胡蓓蔚，佢一定係要最快成事！」而同場的Moon則自爆與定欣同月同日生，定欣更指連鄭裕玲都是同一日出生，Moon笑言與定欣初次見面即相認：「我記得第一日就同佢講我係同佢同一日生日。」

至於自從伍允龍與無綫花旦鍾嘉欣的「分」訊傳出後，他被指極速與Super Girls成員Aka撻着，前晚他在訪問時，更一度以嘉欣前稱號「好朋友」來稱呼Aka這位電影拍檔，他連忙解釋說：「你哋唔好捉住呢個字眼，喺套戲入面個個都係好朋友，包括埋安志杰同埋吳建豪！師徒關係，真係朋友。（唔係你杯茶？）我唔飲茶(口架)嘛！我飲咖啡之嘛！」

展鵬冇諗返亞視

另外，陳展鵬在訪問中除直言為《城》劇打到飛起的同時，亦需分身拍《巨輪II》及宣傳台慶劇《張保仔》，直情忙到七彩，他說：「呢三個月做晒一年嘅嘢！」問他可有意回巢前公司亞視幫手？展鵬說：「無綫喺呢幾年畀咗好多機會我，無論人、公司都值得去懷念，所以暫時我都冇諗過其他嘢。」