男星林德信（Alex）、前無綫新聞主播方健儀及模特兒趙嘉懿等前晚出席時裝騷，Alex表示忙錄新歌及宣傳新片《死開啲啦》，首次擔正電影男主角的他透露片中飾演吸血殭屍：「細個好鍾意睇殭屍片，鬼佬靚仔嗰啲，戲中造型都係靚仔殭屍。（女友松岡李那有冇讚靚仔？）冇，自己Post出嚟，大家都好鍾意，覺得靚仔。」

林德信擔正男主角，並自誇造型靚仔。

方健儀自爆想進軍樂壇。

趙嘉懿帶兒子亮相，並獲溫馨一吻。

方健儀則透露忙到內地為地產公司講Talk，兩星期要走遍八個城市，揚言是一個挑戰：「全程以普通話講，事前特登搵咗個老師改善普通話。」談到早前擔任演唱會嘉賓並獻唱，她直認希望做歌手，但未有人斟洽。