楊千嬅前晚以透視裙上陣出席活動，透出半個「八月十五」提早迎中秋！火併同場兩位露半球的「胸狠」模媽周汶錡及Cara G.，三位辣媽實行性感鬥一番。 文：名人組 攝：嚴偉國澳門傳真

楊千嬅身穿透視裙襬設計的服飾，美股若隱若現。

Kathy性感亮相，事業線強勁，她笑言全賴服飾的剪裁效果！

上月誕女的Cara，因餵哺母乳令上圍升Cup，她卻笑指肚腩一樣變大了。

黃偉文（左起）、Cara、Kathy、千嬅、周柏豪、馬天佑及倪晨曦齊集澳門出席開幕活動。

楊千嬅、周汶錡（Kathy）與Cara G.三名索爆星媽，前晚現身澳門舉行的Burberry銀河新店開幕，Kathy與Cara以低胸裝搶鏡，千嬅則透股突圍。明顯清減不少的千嬅表示仍積極瘦身中：「唔好睇我好似好瘦，其實仲好重磅，有110幾磅。依家做緊巡迴演唱，之前病完要操番十成，仲未達標。巡唱做到年底，希望到時可以收爐，想陪囝囝放假。」

追仔要先夾生肖

講到透出半個「月亮」，千嬅笑說：「月亮有分尖、Full Moon，我就係一條蕉，都希望有Full Moon感覺，整唔到就惟有認命。」她揚言不想擁有葫蘆身形，並笑說：「啲人見到我玲瓏浮凸會唔慣、會驚，（農曆）七月流流唔好搞啲咁嘢。（有冇問老公鍾唔鍾意？）餵人奶嗰陣試過問，冇餵就冇咗啦！」問到會否添丁？她坦承有想過，並指要先問老公夾甚麼生肖。

同場的Kathy產後打扮愈見性感，上圍愈見豐滿，活動上「Big」出深長事業線的她卻稱身材跟懷孕前一樣﹕「係件衫剪裁好。（老公有冇過目？）我嚟到先着。（會唔會話你着得性感？）OK嘅。」對於細妹周麗淇（Niki）正式承認與內地男星徐正曦分手，Kathy表示應給Niki空間，亦不會為她介紹異性，問到Niki可有哭訴？她說：「冇，大個啦！感情事自己處理。（佢情路坎坷？）唔係嘅。（勸佢唔好咁女強人？）佢係鍾意做嘢，試過叫佢出去識多啲人。」

Cara自認腩大胸又大

另一模媽Cara上月誕下細女後，因餵人奶而令上圍急升至34D，她說：「平時係冇胸，依家自己都呼吸唔到，因為肚腩又大胸又大。（老公鍾意你S身形？）佢咩都鍾意，最鍾意我懷孕嘅時候，唔會介意我個胸大唔大。」她表示細女Freija跟大女India無論膚色及眼睛顏色也不同，更搞笑地說：「開頭以為醫院畀錯咗BB我！」