東網電視
更多新聞短片深得網友喜愛的女Rapper譚淇淇（KiKi）與父母在市區經營炸雞店，潮人KiKi更負責舖面設計及宣傳，短時間已回本！她笑言對韓風情有獨鍾，愛韓式美食更愛睇韓仔！
熱愛韓風的KiKi，不但鍾情Big Bang成員T.O.P，更愛韓式美食。
KiKi在旺區開設韓式炸雞店，推介酸辣炸雞、海鮮煎餅、芝士蛋卷及年糕。
海鮮煎餅是地道的韓式美食，看到也令人食指大動。
近期在網上Hit爆的女Rapper譚淇淇百足咁多爪，唱歌、拍戲及主持網上節目外，更與父母在佐敦及旺角投資韓式炸雞店，「老闆女」KiKi負責店舖設計和宣傳，有多年經營食肆經驗的父母則主理食材。
落舖做一日店長
問到KiKi會否幫手下廚？她笑說：「我主要係幫手宣傳，會搵啲明星朋友嚟推廣，得閒嘅時候，我會喺Facebook話自己會落舖做一日店長，叫啲Fans嚟聚下。」她對食品質素相當有信心，加上宣傳有道，店舖於短短半年已回本。
搞炸雞店的KiKi自認為食妹，但最近接拍了健康食品廣告，因此要減食量及狂做Gym，她表示已成功減去五磅，目標再減十磅，她笑說：「我之前係肥，瘦咗係微胖，再瘦都唔係真係瘦，其實想Fit少少咋！」
最愛組合Big Bang
問到為何選擇做韓式食肆？KiKi笑說：「有日父母食咗出面嘅炸雞，好有信心話一定整得好食過佢，於是就開始研究餐單！（你本身鍾意韓風？）相信依家冇女仔唔鍾意！我去過韓國，最重要梗係睇仔啦！最鍾意嘅組合就係Big Bang！我特別留意Rapper，最欣賞自然係T.O.P，好鍾意佢把聲，身形又高！」
場地：Haru Haru炸雞店
文：立影
攝：林定兒
