網絡紅人杜如科（科林）早前因上載模仿杜如風風格的自拍片《東征攻略》爆紅，本月將飛到韓國拍續集《頭痕首爾》，他說：「我對韓國唔係好熟，真係好頭痕！今次會喺網上問網友意見，跟住大家指示去玩。」問到風格會否轉變，他說：「都係一如以往嘅感覺，好杜如科！」

杜如科即將飛往韓國拍《頭痕首爾》，不知會否再掀起熱議。

原名吳浩賢的杜如科說：「當初出第一集時點擊率唔高，出第二集時就口輕輕話點擊過十萬就會改名做杜如科，估唔到真係過咗十萬！」找數立即成為網友關注，雖然他已入紙改名，但因工作要周圍飛的關係，改名尚未成真：「想求網友放過，有啲網友話入紙已經夠誠意，叫我花多啲心思拍片！」人人關注他改名時，原來父母被蒙在鼓裏：「佢哋唔知，如果知道我打算將姓氏都改埋，一定反對！」

髮型：AlexLaw@HairCornerK11　

場地：EAT it