前歌手蕭潤邦（Oscar）開設的生煎包店愈撈愈掂，上月更在深水埗開第一間分店，榮升食店CEO的Oscar脾性360度轉變，縱然遇見「屈錢」食客，亦要委屈地向對方道歉及請食飯補償，Oscar坦言全因顧全大局，他說：「有日午飯時間有兩個女人入嚟，食晒所叫嘅嘢同叫埋外賣，之後話碟菜有蟲，條蟲有蚯蚓咁大，我就心知不妙，之後仲話點賠償，如果唔係就打去食環署。」

Oscar透露遇上「屈錢」食客，還要向對方道歉及請食飯補償。

Oscar為免影響其他食客以大事化小、小事化無態度應付對方，他說：「動機係點大家知啦！咪同佢講我哋小店賠償唔到啲乜，最多我呢餐同埋外賣請你。（脾氣變得好咗？）依家EQ高咗三十幾倍。」