nowTV主持楊柳青（Wiyona）與韓籍男友早前到泰國布吉島旅行散心，喪玩喪食又要Keep住靚靚身形，旅遊期間二人亦不忙勤做運動，Wiyona笑說：「似入特訓營多過去玩！」

楊柳青與男友宋斗煥一同游水Keep Fit。

楊柳青到泰國布吉島旅行散心，在泳池中享受日光浴。

男友宋斗煥駕駛電單車載楊柳青周圍玩。

楊柳青被男友迫令做Gym減磅。

楊柳青早前與韓籍模特兒男友宋斗煥到泰國布吉島度假，順道慶祝二人生日，不過大吃大喝之餘未敢對身形有所鬆懈，旅遊期間不忙勤做Gym，Wiyona笑言似入特訓營多於去玩：「嚟緊拍新節目要操番Fit自己，同埋好驚喺布吉食咁多會變肥，所以男朋友每日都逼我一齊去做Gym游水兩個鐘。」

租電單車周圍去

Wiyona指今次行程安排由男友做主導，去的都是韓國遊客較多的地方，感覺置身韓國多於布吉，她說：「因為男朋友係韓國人，所以用咗韓國人遊泰國嘅方式去旅行，我哋租咗架電單車周圍去，食嘢嘅餐廳係韓國人多過其他遊客，去嘅地方又係好多韓國人，好似去咗韓國唔係去咗布吉咁，好搞笑！」

無懼曼谷爆恐襲

對於曼谷早前發生爆炸，今次同樣到泰國旅行的Wiyona表示出發前都有擔心，不過意外無法避免，因此最後決定如期出發：「好奇怪，上次我去韓國拍嘢就遇上MERS（中東呼吸綜合症），今次就遇上爆炸，不過我哋兩個月前已經訂晒機票，同埋意外嘅嘢要發生都控制唔到，所以都冇諗咁多照去啦！」

文：Emily