前亞姐鄭伊娜（Ena）日前到馬來西亞時與家人在旅途上險生意外，Ena說：「架車卡住喺泥坑，一衝出泥坑個司機就好急咁扭軚，否則我地一定直飛落山崖！」她表示在往當地著名瀑布期間路途崎嶇，令她全身於車程中遭殃：「我全程要雙手捉實扶手，上山行嘅全部係爛路！我坐四驅車都搞到周身傷！好彩我冇整容，全身都係真材實料！」雖然她撞到全身受傷，但大膽的她笑言於旅程中繼續「唔識死」爬樹摘貓山皇：「去馬來西亞一定要食貓山皇，所以我哋就去咗榴槤園，我仲爬埋樹添！」

Ena全家一齊去馬來西亞探親，膽生毛嘅佢竟然爬樹摘榴槤！