陳嘉寶(Anjaylia)與李靜儀(Heidi)化身o靚模另類吸睛,分享閃避狂迷妙法。Anjay自創「迷蹤步」以保持安全距離!而二人對男性的要求亦各有不同,Heidi要男士「快又得,慢又得」,Anjay則表示喜歡帥哥。

Anjay同Heidi喺新戲入面齊齊扮o靚模,同現實中嘅佢哋反差好大。

Anjay話同Heidi相反,唔怕姿整只要係靚仔就得!

騷晒長腿嘅Heidi直言最憎男仔姿整,話好怕等人。

陳嘉寶與李靜儀今次在電影《沒女神探》中飾演o靚模發揮吸睛才華,其中Anjay將化身為漫畫萌角,而Heidi則被打造成索爆長腿韓妹,二人更偕王菀之及連詩雅組成「模團」,將現實生活中的o靚模博上鏡行為誇大後再搬上大銀幕,Anjay亦大讚王菀之的身材名列四人之首!

遇狂迷各師各法

雖然現實中的她們並沒有如「o靚模」般谷胸搶鏡吸引宅男龍友,但她們均曾遇過狂迷的過分行為。Anjay因而練得一身好「閃法」,她笑說:「如果有男粉絲揸機同我自拍嗰陣愈貼愈埋,而我又避唔開,我會同佢講:『不如我揸機吖!』再唔得我就會使出『迷蹤步』,如利用交叉腳分開,將距離拉遠!」原來最誇張曾試過被迫使用「連環迷蹤步」後亦不果。而Heidi則會因尷尬而絕口不提,要靠在場同事幫口解圍。

男友要求大不同

提到片中「乸型」男主角周柏豪,Heidi直認怕怕「姿整男」:「曾經試過同過呢類男仔交往,同佢出街佢永遠都遲過我出門口,因為佢要用好多時間去襯衫整頭,我覺得適量就好。(大壓力?)因為我係嗰啲好快可以出到門口嘅,起碼佢要訓練到快又得,慢又得!」而Anjay對男士的要求卻非常不同,她說:「靚仔就得!其實佢姿整咪即係細心囉!」

文:影視組