nowTV昨日舉行最新娛樂頻道組合發布會，邀請來周秀娜(Chrissie)和松岡李那等出席。其中Chrissie自爆受《武媚娘》影響，希望參演宮廷劇。

松岡（右）以紅色大露背裙真空上陣。

台灣組合2moro台上舉晒手指公，同樣着白色衫嘅二人相當合拍。

Chrissie（左起）同松岡及Andrew 齊齊出席發布會，慨嘆「相愛很難」。

周秀娜、松岡李那、台灣組合2moro及龐景峰（Andrew）昨日獲邀出席nowTV的「亞洲娛樂組合」節目發布會，介紹共十三條廿四小時播放劇集和綜藝節目的頻道。最搶鏡的松岡更真空上陣，以紅色大露背連身裙亮相，相當賣力！

自爆為人花心

對於劇集類型，Chrissie笑言很花心，由韓國至內地的劇集皆不放過，她說：「依家都會睇，主要係拍戲等埋位嘅時候睇，特別鍾意睇武則天嗰種古代宮廷劇，因為啲衫同美術都好靚。」談到《武媚娘》的戲服相當性感需要大騷事業線時，她說：「我得！其實之前都拍過啲古裝劇，但宮廷題材就真係好想試。」

此外，她亦落實參演內地真人騷《我們相愛吧》，節目要求她跟男拍檔在螢幕前談情說愛，她說：「明年一月會拍，劇組都問我有咩心水男拍檔，但我未諗到。始終節目入面拍吓拖唔難，現實中真心相愛先難，因為冇時間相處。」

松岡最驚廣東話

另外，除了性感現身外，活動中大晒廣東話的日模松岡則透露正靠追劇學廣東話：「知道內容之後容易明白好多，廣東話同韓語都學緊，但廣東話真係好難。」問到緋聞男友林德信(Alex)有否充當導師時，她笑說：「Alex唔同我講廣東話，淨係講英文。」

文：音樂組　攝：鄭家俊