許志安昨日現身豐澤時代廣場旗艦店開幕活動，即場試玩影音及廚具產品，即將飛美國紐約開騷的他透露最近除了綵排，亦會在家中勤煲之前的演唱會香港場：「今次一個去，唔會請嘉賓，因為時間比較緊迫，完騷又急住返嚟，加上係9月11號，感覺嗰刻唔應該去睇，所以都唔會留喺嗰邊玩。」談到BIG FOUR成員蘇永康和梁漢文近期「過檔」與任賢齊（小齊）及黃家強另組「男人幫」，問到安仔可會擔心被搶生意，他笑說：「其實大家心水清嘅話就知道BIG FOUR係蝕錢生意，咩都要除4，好彩有『男人幫』接收咗佢兩個，我哋生活會好番啲，我都祝福小齊。」

許志安即場試用廚具產品整朱古力。

任賢齊（左起）、蘇永康、梁漢文及黃家強組成「男人幫」。