「翻版陳妍希」陳潔玲日前在船P中以水着大晒火辣身材，更趴在甲板上大騷有料上圍，極度養眼！而身為同期藝訓班的利穎怡亦不遑多讓，以烏低自拍照大騷事業線鬥搶鏡！

曾參選2012年港姐、有「翻版陳妍希」之稱的陳潔玲日前與陳華鑫、郭千瑜、利穎怡、周梓盈及李旻芳等一眾無綫第26期藝訓班學員，齊齊與導師鄭丹瑞出海玩船P。雖然同場有不少同期的男學員，但焦點卻落在及時抓住「夏天尾巴」的女學員身上，皆因她們罕有地以水着Look大晒火辣身材，更排排坐在欄杆上翹腳晒美腿，養眼度高！

雖然陳潔玲的泳衣只是粉紅色一件頭，似無甚睇頭，但她卻在船上擺出不同甫士搭夠，不但側身坐大騷長腿，更趴在甲板上晒豐滿上圍，極度吸睛！而利穎怡亦不讓陳潔玲專美，身穿三點式的她俯身玩自拍，大晒三吋事業線，但仍不及陳潔玲的多姿勢取勝。

High爆唱K

眾人在船P中玩得興起，更High爆大唱卡拉OK，當中陳潔玲與鄭丹瑞合唱經典歌《愛與痛的邊緣》，最後陳潔玲無故失笑。問到最近常在網上Post性感照，是否轉行性感路線，陳潔玲笑說：「唔係呀！最緊要係睇落健康，Post之前都有問人嘅，佢哋都覺得靚先Post。（出多啲再益粉絲？）其實主要都係啲生活點滴，咁啱我嗰日係去船P啫！」

文：影視組