諸葛抑鬱暴瘦 得番80幾磅

身為娛樂公司老闆的諸葛紫岐昨晚出席活動時明顯激瘦，更鬆得離罩！她表示忙籌備公司新戲，瘦了10至15磅，現只有80餘磅：「壓力大，全部都要參與。（自己演埋？）冇諗，依家係諗緊男主角，有時會唔記得食飯。（老公心痛？）佢有祝福我，話搵錢好辛苦，佢唔覺得我瘦係咩一回事。（女主角係張栢芝？）會搵番自己公司演員。」又表示投資了8位數字。問到怕否患厭食症，她說：「會睇醫生，有情緒壓力，要搵方法紓緩，未至於要食藥，有同醫生傾過電話，佢講到好恐怖，話我有啲抑鬱，我叫佢咪嚇我。」問到會否沒時間湊B，她眼濕濕說：「湊小朋友都好辛苦，做媽咪都好偉大。」而同場的袁詠儀透露早前在內地劇飾演宋慶齡，覺得是個大挑戰。