王菀之（Ivana）昨日首次與設計師男友Eric So情侶檔出席活動，Ivana毫不避忌大放閃光彈。談到結婚的話題時，她即化身小女人等男友拿主意，Eric則揚言感覺一到就會迎娶她！文：音樂組　攝：司徒國榮

Ivana同男友一齊出席活動，提到婚期時即面紅甜笑，幸福小女人樣出晒嚟。

粉絲為Anjaylia準備蛋糕，冧到佢勁感動。

Anjaylia豪請粉絲睇自己主演的《沒女神探》，被大讚演技到家。

王菀之昨日與設計師男友Eric So出席元朗商場的Gallery Lounge開幕禮，對於首次情侶檔出席活動，鍾情藝術的Ivana坦言很高興活動與藝術有關，笑言顯得自己很有氣質，問到Eric So是否習慣與女友出席活動時，他表示之前曾經在大眾不知情下一同參與活動。

「冇人出色過佢」

問到將來會否合作，他說：「睇吓Project性質，唱歌跳舞唔啱我。」Ivana聞言即大讚男友唱歌動聽。Eric亦透露女友曾表示希望自己為她設計唱片封套，但他認為其他人比自己出色，對自己沒信心，怕攪亂檔，Ivana即維護男友說：「希望所有嘢都係佢整，心目中冇人出色過佢，不過佢本身好忙，所以我要排隊。」

講到日後婚禮可由Eric負責時，Ivana頓時變成小女人，面紅紅兼坐直身體，高興地說：「女仔唔方便講。」Eric則笑說：「佢應承先講啦！（幾時求婚？）提出好奇怪，應該係暗暗哋表示嗰啲。」他認為感覺到就會結婚，不會作事前計劃，並補充說：「我成日都畀驚喜佢，不過唔知係驚喜定驚嚇。」

陳嘉寶包場冧粉絲

另外，Ivana及陳嘉寳（Anjaylia）主演的電影近日上映，剛好遇上Anjaylia的Fans Club成立一周年，日前她包場與粉絲看戲及舉辦聚會，粉絲大讚她在戲中放得開，展現出不同的一面。她為粉絲送上在日本旅行時買的小禮物，而粉絲則偷偷準備蛋糕，令她大為感動：「物質唔係最重要，最感動嘅係佢哋一直都好支持我，付出好多。」