藝人劉浩龍（師兄）、鄧麗欣（Stephy）、黃又南以及太陽娛樂高層黃柏高（Paco），昨晚到澳門出席電影《燈塔下的戀人》欣賞會，戲院外圍一早擠滿觀星粉絲，熱面墟冚。

劉浩龍自爆同一日拍攝開心戲及悲傷的戲，猶如精神分裂。

鄧麗欣悉心打扮，與黃又南齊撐新片首映。

《燈》片男主角師兄對重臨該戲院感觸良多，直認曾在此為電影精神分裂，曾試過早上拍攝與片中太太蔡潔開心睇電影戲份，晚上則拍因蔡潔離世而爆喊並得劉心悠安慰的場面。提到首次擔正愛情電影，師兄表示非常享受，亦冇壓力：「無論配角又好，主角又好，都係咁享受。其他人睇到我今次演得OK，希望可以繼續拍愛情片。」他又大讚拍檔劉心悠，表示希望可以再合作，問他有否向女友容祖兒備案拍親熱戲？他則說：「我哋唔會傾呢啲。」

同場的Stephy以一襲性感黑色連身裙示人，提到經理人公司太陽娛樂文化早前裁員一事，她表示對自己無直接影響，相信公司做決定有原因，並說：「有幾個人合作好多年，佢哋走咗我都唔捨得。」而Paco亦表示應以「重整」來取代「裁員」一詞，透露公司的工作安排已到2016年中，未來方向以拍電影為主。

攝：樊愛慈澳門傳真