穿高衩紅裙的鄭融、劉威煌及陳明恩前晚為《SUBARU Palm Challenge 2015》耐力賽參加者打氣，問到最強的一次耐力戰，鄭融首推一次日本瘋狂購物之旅：「朝早八點幾起身，十點舖頭一開就行街，水都冇乜飲，行到天黑，每間舖都極速進出，全程不停試衫、除衫同畀錢，辛苦之餘仲使咗幾萬蚊，但成功紓緩工作壓力。」

年輕時愛揈錢的鄭融已養成儲蓄習慣，覺得儲錢很有滿足感！

鄭融表示隨年齡增長而學會精打細算，問到現時如何減壓？她說：「行山、運動、游水等唔使錢嘅活動。」問到是否想置業與男友同居？她指除買樓外，亦想請家人旅行，卻冇打算同居，暫以事業為重。而劉威煌則報喜：「第一次榮升業主，但係買樓花，排隊買樓時見到麥長青。」