藝人林盛斌（Bob）昨日強忍腰痛到電視城主持無綫節目《兄弟幫》，育有三女的他指腰痛阻礙「追仔」大計：「呢排特別想追仔，因為就嚟生日，願望想生仔，所以要拿拿臨整番條腰，如果唔係咪淨係老婆郁？唏，點解我會講呢啲？（有好多錢等住分畀個仔？）有嘅話啲女都分晒。（放假抖吓？）我計劃年底想開Talk Show喎！」

Bob透露「造人」及工作大計。

另外，無綫企業傳訊部副總監曾醒明昨日公布上周J2台直播世界盃外圍賽：中國對香港，創下J2台2009年開台以來最佳收視，平均收視9.8點（約63萬觀眾），最高收視14.1點（約91萬觀眾）。