方力申與鄧麗欣（Stephy）情侶檔出席活動，穿上情侶鞋的二人坦言私下不靠情侶物件表達情感，其後又大耍花槍，當Stephy大呻被小方鞭策做運動而壓力爆燈時，小方反擊指自己壓力更大！

小方與Stephy情侶檔出席活動，二人鬥氣又鬥嘴，大晒恩愛。

安仔自嘲對鏡頭過分敏感，成日以為有人偷影自己。

蔚雨芯着背心熱褲落場一齊跑，Fit爆身材引人注目。

方力申、鄧麗欣及許志安昨日出席街馬活動為參賽者打氣，而劉浩龍、彭懷安、蔚雨芯則落場參加比賽。

一齊運動壓力大

提到小方與Stephy穿上情侶鞋時，小方解釋只是商戶贊助，又指平日不會穿情侶裝，亦甚少用情侶物件：「因為我哋成日出嚟，會難逃你哋法眼，同埋我哋都唔係靠呢啲嘢表達情感。」問到二人平日有否一起做運動時，Stephy透露與小方做運動壓力大：「佢會係咁鞭策我。」小方亦鬥嘴說：「因為我鞭策唔到，佢會話：『我唔做，冇力呀！你做吖笨！』」並笑指自此二人便很少一起做運動。

Stephy將於本月與排球隊成員一同出發到台灣集訓四日，她表示得悉當地有魔鬼女教練時非常緊張，此時小方搭嘴：「魔鬼在咩？身材？」當Stephy提到此趟行程相當緊密時，小方再次搭訕：「緊密在咩？Shopping?」令她忍不住扮生氣問小方：「你邊間o架？」小方笑稱自己來自「方方日報」，場面搞笑！

安仔對鏡頭過敏

而安仔則透露早前與太太到日本旅行時因對鏡頭過於敏感而鬧出笑話：「有日下晝我見到有人舉機影相，我諗住叫佢唔好啦，望真啲係外國人，原來係影緊我後面嘅建築物，搞到我好尷尬。」

文：音樂組　

攝：樊愛慈