呂方前晚在紅館舉行《呂方代表演唱會2015》尾場，重量級嘉賓汪明荃率先登場，並不留情地以呂方約5呎4吋的身高作話題：「依家內地好似好興你呢啲身高嘅藝人，你睇王祖藍依家月入千萬，買過億豪宅。」呂方即和應指買三百呎的樓都夠住，因他不用樓底高的單位。

身穿經典波波裙的徐小鳳狂放笑彈，全場激讚並報以熱烈掌聲。

任嘉賓的汪明荃唱得又Talk得，連呂方都聽得如癡如醉！

其後妙語連珠的嘉賓徐小鳳自爆早前到韓國旅行，但冇整容：「怕阿媽都唔認得。」呂方即指若要整容，只考慮接受增高手術，徐小鳳卻覺得他不需要：「你已經係樂壇唔係咁高嘅高人嚟啦！」氹得呂方勁開心，又叫他勿學杜德偉在演唱會上穿三角褲獻唱，當她得知杜德偉在場時卻又大讚：「世界上冇人着三角褲好睇得過杜德偉，超人就底褲着面，長褲當底褲着，但杜德偉呢啲連底褲都唔着。」全場拍爛手掌！而呂方受訪時感謝汪明荃及徐小鳳為其個唱做到一絲不苟，因是次個唱嘉賓太強，故下次揀嘉賓有難度！