歌手楊千嬅昨日以「星級榮譽大使」身份出席東華三院活動時大談湊仔經，她笑言三歲的兒子老成得像六歲：「已經識講好多，電視劇學對白，例如『我唔要你』，我話畀佢知呢o的唔可以講。我話唔可以成日買玩具畀佢，佢竟然識講『孤寒』，問邊個教佢講，佢又唔出聲。」問到兒子有否介紹同學讓她認識？千嬅說：「有同學試過問『點解Auntie咁大個人可以縮入電視機入面』，我答佢因為唱歌，佢又問番自己媽咪點解唔o係入面，個家長惟有答『媽咪唔係唱歌』，好尷尬，有時o的問題都唔知點答。」她指不同年紀要用不同方式教育，並坦言會看書學習教育下一代：「唔可以對三歲小朋友講太多負面說話，例如『No』、『唔好』，會否定佢o地思想同信心。（抽多o的時間陪佢？）其實依家工作冇以前咁密，個仔放第一位。」

千嬅深感孩子如海綿般吸收力特強，望花更多時間教仔。