與胡定欣感情要好的一班「胡說八道會」姊妹，平日聚會也會大談感情事，「大家姐」胡杏兒昨日獲悉好姊妹胡定欣對男友Terry管接管送兼傳好事近，分分鐘有機會爬自己頭出嫁，杏兒笑言接送舉動是拍拖正常不過的事，但不忘讚Terry是好男仔：「佢份人好好，最緊要佢哋開心！其實又唔好成日寫到定欣『釣金龜』咁，佢都冇呢啲嘢，係一個好女仔，總之我撐佢，開心就得！」

胡杏兒（右）讚Terry人品好，放心好姊妹胡定欣嫁給對方。

黃智雯不介意被胡定欣爬頭先嫁！

另一「胡說八道會」姊妹黃智雯亦表示未聽聞定欣有「嫁」期，問到有否擔心被對方爬頭出嫁？她說：「我又唔需要擔心呢樣嘢，如果姊妹真係結婚，梗係戥佢開心，我都想佢快過我，證明佢哋感情好穩定啦！」