以爆冷姿態奪季的郭嘉文（Karmen），賽前並非傳媒焦點，最後能夠在芸芸佳麗中突圍而出，Karmen認為似夢一場，打入四強已震驚不已：「去到入圍四強，我仲以為自己係綵排緊！回顧我由首輪面試到入四強，真係估唔到行到嚟呢步。直到宣布季軍係我，我都覺得係發緊夢！」

郭嘉文

「唔應該睇小自己」

Karmen今次獲獎實在喜出望外，但原來參選港姐前，她曾被「友誼小姐」林凱恩踢爆是「城大女神」！問到讀書時是否「收兵」不少？Karmen笑說：「唔係女神！第一年喺學校就活躍啲，之後都要勤力讀書，冇收兵。」在學時掛着「校花」與「女神」等稱號，但在美女如雲的港姐競選中面對冠亞軍Louisa與Ada等勁敵，Karmen顯得相對失色，故有人說若非今屆參選，她便有可能成功摘冠，她對此回應：「我又冇後悔參加今屆，反正覺得唔應該睇小自己，只要肯努力，冇懷才不遇嘅！」不過，努力無止境，她希望日後可以擔任主持工作，奪季只是目標的一小步：「我自問對戲劇天分唔大，我諗做主持會比較適合我。」