馮寶寶與邵音音昨日現身鴨脷洲，出席電影《媽咪俠》欣賞會，寶寶提到戲中與曾江合作：「拍攝時佢喝我又整瘀我隻手！（點睇佢被謝賢怒摑？）我冇睇段片，但唔出奇，謝賢唔知佢撞聾被佢喝，男人要面嘛，咁喝法都得咩！（佢兩個有積怨？）冇，曾江同龍剛就有，當年龍剛做副導演，NG佢幾次，曾江唔順咪打佢囉，後尾擺和頭酒，我都有去食。（曾江性格火爆？）佢唔會同你客氣，老外性格，係會打人嘅老外呀，哈哈哈！」

馮寶寶（左）與邵音音出席活動時大爆曾遭曾江呼喝。