藝人岑麗香（香香）與糖妹（黃山怡）昨日為無綫節目《精伶童學會》到主題公園拍外景，香香笑言想生B：「我節目中扮麻煩遊客，考驗小朋友應對，見佢哋幾乖，我都想生B，但結咗婚先。（幾時？）搵到先。」她稱有份演出台慶劇《無雙譜》：「我分飾好人同壞人兩角，啲對白好難。（驚古裝劇講咗英文？）應該冇，但有場我講咗『拜拜』。（想角逐女配角？）做好角色先，冇諗咁遠。」
岑麗香（左）與糖妹到主題公園拍外景。
