袁詠儀（靚靚）剛度過44歲生日，正日當天早上去行山，晚上在酒店中菜部筵開2圍，與好友包括蔡一智、伍詠薇及黃佩霞等飯敍。據悉身為餐廳老主顧的靚靚獲酒店送贈一個印有香港小姐Logo的生日蛋糕。而昨日靚靚即孖住老公張智霖（Chilam）到上海公幹兼休息，享受短暫的二人世界再返港。

談到生日願望，靚靚接受長途電話訪問說：「睇到敍利亞小朋友逃難溺斃張相好唔舒服，真心希望無論大社會、小社會都和平。（收到咩生日禮物？）大家肯嚟我好開心。我平日成日揼我老公買嘢，生日唔好再搞佢喇！」談到她早前在微博留言似被煩事困擾，她直認：「私人生活確實係發生咗啲問題，如果對方要難為我係絕對有辦法嘅，不過佢選擇體諒同理解，呢份已經係最好嘅生日禮物。依家個社會，想你唔好嘅人好多，能夠保持正能量生活，真係一啲都唔簡單！」