首輪面試已成為風頭躉的退選港姐「弗版楊洛婷」吳佩倫（Mandy），坦言初時面對一大堆針對自己的新聞感到不慣：「喺美國嗰邊生活習慣都比較簡單同樸素，返到嚟參選要接受記者訪問、接受其他人認得你，跟住評頭品足，真係好唔慣！之前試過畀人點錯相，誤會我係佛光街『色慾男女』事件女主角，當時好愕然，自己喺加勒比海度緊假，人都唔喺香港，唔明點解會畀人傳到變成咁，心情有受影響，但同自己講既然去玩就應該放鬆心情，而且唔係事實嘅嘢大家都會知道真相！」

吳佩倫雖然少咗做Gym，但身形一樣咁Fit！

身形Fit爆的Mandy又分享Keep Fit心得：「平時會做Gym，返到嚟真係少咗Keep，因為香港生活比較忙，好多活動、好多采多姿，喺美國嗰陣基本上有時間就去，一星期去5日，但係就冇特別照顧皮膚，最重要都係注意飲食，唔食太煎炸或辛辣嘅嘢，係會有放肆嘅時候，惟有事後補救，隔一段時間先再食！」

場地：Royal Feast皇室盛宴