新人段瓏臻（Lexi）、高峰及樂天日前獲邀到3D博物館，甫入場即拍照留念，Lexi表示十分好玩，更大爆樂天與高峰「HeHe味濃」：「韓國都有，不過未有時間去，依家香港有就可以成日嚟！（得閒同高峰嚟？）唔會喇！見佢同樂天手拖手扮結婚，關係非淺！」

樂天（左）與高峰在教堂景下手拖手扮結婚。

段瓏臻與樂天等在3D博物館Chok甫狂影相！

高峰聞言立即澄清，坦言只是講笑：「我哋影教堂景當然要兩個人，樂天喺我隔籬咪叫佢扮嘢玩吓囉！（對樂天冇興趣？）完全唔會有囉！之前樂天話想做笑匠，所以咪配合佢囉！」