黃煦珽首次潛水失望

模特兒黃煦珽（Zeneta）曾贏得中華文化小姐殿軍，擅長畫畫、書法、彈鋼琴及跳舞，予人氣質才女的感覺。擁有白皙膚色的Zeneta過往甚少做戶外運動，近期她開始鍛煉游泳及潛水，已學蛙式及自由式，至於潛水，她認為相當困難：「唔夠力孭樽，而且好驚海！（第一次潛水感覺？）其實唔係咁好，咩都睇唔到，水係綠色唔係太乾淨，冇魚、冇珊瑚，係一個恐怖世界，可能我係初學，唔可以去太深水。」她希望將來可到澳洲潛水，因當地的水質較清澈。