「縮水陳敏之」涂雯雯（A Miu）細細粒但有副好身材，曾拍攝微電影的她將進軍影壇，雖然個子不高，但想嘗試打女角色及當諧星。

首次以泳裝示人的A Miu大騷身材。

身形矮細的A Miu竟然想做打女，真係估佢唔到。

A Miu表示三點式是性感底線。

涂雯雯在誤打誤撞的機會下成為模特兒，雖然個子不高但勝在身形均勻，成為不少平面廣告商的寵兒，今次更首次以泳裝示人。簽約新經理人公司的她透露即將參加大型活動，亦會拍攝微電影。

唔夠高做女警

問到想挑戰甚麼角色？她說：「我想做型格啲嘅角色，好似做女警，不過唔夠高，希望有打女嘅角色可以試吓！」她表示爸爸是龍虎武師，在她年幼時教她功夫，有基本功的她希望可以發揮所長。A Miu又想嘗試走諧星路線，認為拍喜劇可以帶給觀眾歡樂。

三點式係底線

問到心中的偶像，直言「電視撈飯」長大的她最欣賞佘詩曼及徐子珊，一直留意二人的演技，希望有所得着。至於將來可會為電影而性感？她說：「我嘅底線係着三點式，如果劇本真係幫到我將來演藝事業嘅，再作考慮啦！」

文：影視組