近年刻意收起性感的「咪神」高海寧最近到布吉度假立即大解放，大晒三點式泳照，「咪咪」出山！提到張秀文及陳庭欣等新一代「咪神」來勢洶洶，高海寧不擔心地位受威脅，無意以性感形象迎戰。

高海寧到布吉旅行放鬆身心，更準備3套泳裝影靚相。

「咪神」高海寧最近收起「峰」芒，外遊時才讓「咪咪」出山！

無綫藝員高海寧最近到泰國布吉度假，在酒店「閉關」4天享受日光浴及做Spa，讓肌膚充電！身為「咪神」的她近期刻意收起「咪咪」，期望轉型以演技吸引觀眾，但去到布吉又怎會不穿三點式？雖然不諳泳術，但她準備了3套不同款式的三點式拍照，認真貪靚！問到穿三點式出場可有引起男士哄動？她笑說：「冇呀！因為我哋幾個女仔都係喺屋內嘅私人泳池玩水，其實我哋幾個都唔識游水，都係喺泳池邊影吓相。」

提到兩位新「咪神」張秀文及陳庭欣來勢洶洶，可感到受威脅？高海寧說：「唔擔心，各有各市場。」

收起性感Sell演技

問到可會再以性感形象示人？她說：「唔會咁做，我好珍惜拍劇機會，依家反而唔想咁性感，唔想焦點去咗身材度！」此外，她在布吉旅遊期間曼谷發生四面佛爆炸事件，她坦言當時很擔心曼谷的情況，幸而布吉未受影響，但不忘致電回家報平安。

文：影視組